Аяллын eSIM

eSIM СУУЛГАХ ЗААВАР

Сүүлд шинэчлэгдсэн огноо: 2026 оны 4-р сарын 20

eSIM нь биет SIM карт ашиглахгүйгээр гар утасны сүлжээнд холбогдох боломжийг олгох цахим карт юм. Энэхүү eSIM суулгах заавар нь таны утас eSIM-ийг дэмжих эсэхийг хэрхэн шалгах, eSIM суулгах арга, интернэт холбох тохиргоог хэрхэн хийх талаар дэлгэрэнгүй тайлбарлах болно. Энэ Монголд үүрэн холбооны энгийн үйлчилгээ авахад ашиглах eSIM бус аяллын eSIM буюу гадаад улсад зорчих үед аяллын тодорхой хугацаанд ашиглахад зориулсан eSIM суулгах заавар юм.

Таны утас eSIM-ийг дэмждэг эсэхийг хэрхэн шалгах вэ?

Хамгийн хурдан арга бол утсаараа *#06# залгах юм. Хэрэв та EID дугаарыг харж байгаа бол таны утас eSIM-ийг дэмждэг гэсэн үг.

• iPhone: Settings → Cellular → хэрэв “Add eSIM” гэсэн сонголт байвал дэмждэг. Албан ёсоор eSIM нь iPhone XS, XR болон түүнээс хойшхи загварууд дээр ажилладаг.
• Android (Samsung): Settings → Connections → SIM card manager → хэрэв “Add eSIM” эсвэл “Add mobile plan” гэсэн сонголт байвал дэмждэг.
• Бусад Android брэндийн хувьд: *#06# кодыг ашиглана уу.

Хэзээ аяллын eSIM-ээ суулгах вэ?

eSIM утсан дээр суулгахын тулд интернэттэй байх шаардлагатай. Бараг бүх eSIM-ийн ашиглах хугацаа тухайн улс оронд очоод сүлжээнд холбогдох цаг мөчөөс эхэлдэг. Иймд аялалд гарахын өмнө сүлжээтэй байх үедээ eSIM-ээ суулгаарай. Зөвхөн нэг төхөөрөмж дээр суулгаж болно, нэг суулгасан eSIM-ийг өөр төхөөрмжип шилжүүлэх боломжгүй зэргийг анхаарна уу.

eSIM суулгах арга – QR код уншуулах

Захиалга хийсний дараа та и-мэйл хаягаар QR код хүлээн авах болно. Утасны тохиргоог нээнэ:

iPhone: Settings → Cellular → Add eSIM

И-мэйлээр хүлээн QR кодыг скан хийж уншуулна эсвэл утсан дээр хадгалсан зургийг ачаална.

Android: Settings → Connections → SIM card manager → Add eSIM

• “Use QR code” дээр дарж, кодыг камераар уншуулна уу (эсвэл хадгалсан зургаас сонгох). Баталгаажуулж, профайл бүрэн үүсэхийг хүлээнэ үү.

eSIM суулгах арга – Холбоосоор суулгах

Энэ арга автоматаар ажилладаг – гараар сканнердах эсвэл өгөгдөл оруулах шаардлагагүй. Захиалга хийсний дараа та “eSIM суулгах” холбоос бүхий товчтой и-мэйл хүлээн авах болно. iPhone эсвэл Android дээрээ харгалзах товчийг дарж автоматаар суулгана.

iPhone жишээ:

Холбоос: https://esimsetup.apple.com/esim_qrcode_provisioning?carddata=LPA#####################################

Android жишээ:

Холбоос: https://esimsetup.android.com/esim_qrcode_provisioning?carddata=LPA####################################

eSIM суулгах арга – Гараар оруулах (QR код, холбоос ажиллахгүй бол)

Хэрэв танд QR код эсвэл холбоосоор суулгахад асуудал гарвал дараах өгөгдлийг гараар оруулж суулгаж болно.

SM-DP+: rsp1.cmlink.com
Идэвхжүүлэх код: #################################

iPhone: Settings → Cellular → Add eSIM → Use QR Code → Enter Details Manually гээд талбаруудыг бөглөнө. QR код уншуулах заавраас уг цэсийг харж болно.

Android: Settings → Connections → SIM card manager → Add eSIM → “Enter activation code manually” → талбаруудыг бөглөнө.

eSIM суулгасны дараа интернэтэд холбогдох

• Үндсэн SIM картаа унтраана (зөвхөн eSIM-ийг идэвхтэй үлдээнэ).
• eSIM-ийг асаагаад LTE/4G/5G дүрс гарч ирсэн эсэхийг шалгана.
• Data Roaming асаана – энэ нь eSIM гадаадад ажиллахад шаардлагатай.

Интернэт холбогдохгүй бол дараах аргуудыг туршина уу

• Airplane Mode асааж унтраана.
• Утсаа унтрааж асаана.
• APN шалгана (ихэвчлэн автоматаар тохируулагдана). Шаардлагатай бол гараар шинэ Access Point Name үүсгэнэ. APN мэдээлэл и-мэйлээр хамт очдог.

Хэрэв таны eSIM зөвхөн дата сим бол (дуудлага, SMS байхгүй) утсаа дараах байдлаар тохируулна уу: Интернэтэд eSIM-ийг сонгоно уу. Дуудлага, SMS-д үндсэн SIM-ээ үлдээнэ.

• iPhone дээр: Settings → Cellular → Cellular Data → eSIM-ийг сонго. “Default Voice” → үндсэн SIM-ээ сонго.
• Android дээр: Settings → Connections → SIM card manager → Mobile Data → eSIM-ийг сонго. “Voice calls” → үндсэн SIM-ээ сонго.

Аяллын eSIM төлөв ба хэрэглээ шалгах

https://cardinfo.gloableconnect.com/query холбоосоор хандаж өөрийн eSIM-ийн ICCID дугаарыг оруулан хайснаар та eSIM-ийнхээ төлөв, дата хэрэглээгээ харах боломжтой.

ICCID гэж юу вэ? ICCID (Integrated Circuit Card Identifier) нь eSIM-ийн өвөрмөц 19 оронтой таних дугаар юм. Энэ нь eSIM-ийн захиалгын мэдээлэл бүхий и-мэйл эсвэл утасны тохиргооноос олдоно. Энэ дугаар нь eSIM-ийн хэрэглээ шалгах, сунгах эсвэл харилцагчийн үйлчилгээнд хандахад шаардлагатай болдог.

Нэмэлт мэдээлэл

• eSIM-ийг зөвхөн нэг төхөөрөмж дээр суулгаж болно. QR кодыг зөвхөн нэг удаа ашиглах боломжтой.
• Хэрэв hotspot ажиллахгүй бол VPN-ээ унтрааж, Data Roaming асааж, eSIM-ийг өгөгдлийн үндсэн болгон тохируулна.
• eSIM суулгахын тулд интернэтэд холбогдсон байх шаардлагатай (Wi-Fi эсвэл гар утасны дата).
• Ашиглах хугацаа дууссан eSIM-ийг утасны тохиргооноос устгана.